Сашко Насев, Силвија Стојановска, како челенови на жирито, заедно со Благој Пенов, извршен директор, синоќа во ЦК „Бели мугри“ во Кочани ги доделија наградите на најуспешните на 50-то издание на ДАФ на Македонија…

…О Д Л У К А 1. Се доделува СПЕЦИЈАЛНО ПРИЗНАНИЕ за уникатната изведба на претставата „Хула Дракула“ – „Ако вампирот би бил денес жив, дренажа на жили ќе ви направи“ од страна на полскиот Аматерски театар – „Пјонти Вимјар“ од Воломин, Република Полска, на литературен македонски јазик, што претставува уникатен и раритетен театарски чин.

2. СПЕЦИЈАЛНО ПРИЗНАНИЕ на Емилија Колоска и Бранко Сапламаев за музичка контрибуција во претставите „Мачка на вжештениот ламаринен покрив“ на Гимназијата „Св. Климент Охридски“ од Охрид и „Љубовна приказна“ на СОУ „Богданци“ од Богданци.

3. СПЕЦИЈАЛНО ПРИЗНАНИЕ за мултидисциплинарен и севкупен уметнички израз на полетео на аматерскиот театар, видеото, маската и музиката на режисерот Кире Ѓорѓиев во претставите „Љубовна приказна“ и „Свадбата на Мара“ во изведба на драмскотот атеље „Димитар Влахов“ од Струмица.

4. СПЕЦИЈАЛНО ПРИЗНАНИЕ за нов драмски текст на Ана Жежовска за текстот „Фактор жена“ во изведба на аматерската театарска група „Без маска“ од Битола.

5. СПЕЦИЈАЛНО ПРИЗНАНИЕ за колективна игра на ансамблот за претставата „Отпишани“ од Владимир Јовановски, во изведба на Летечка Театарска Трупа – Тетово.

6. Награда за УМЕТНИЧКА ИНОВАЦИЈА И ИСТРАЖУВАЊЕ во театарскиот израз на претставата „Фактор жена“ во режија на Димитар Шутевски, а во изведба на аматерска театарска група „Без маска“ од Битола.

7. Награда за НАЈДОБРА ЖЕНСКА ЕПИЗОДНА УЛОГА и се доделува на Ева Каланоска за ликот на Моли Полит во претставата „Мачката на вжештениот ламаринен покрив“ од Тенеси Вилијамс во режија на Ирена Бачиќ, а во изведба на гимназијата „Св. Климент Охридски“ од Охрид.

8. Награда за НАЈДОБРА ЕПИЗОДНА МАШКА УЛОГА му се доделува на Стефан Миленков за ликовите на Чорбе, Младиот Архивар и Директорот во претставата „Чернодрински се враќа дома“ од Горан Стефановски во режија на Митко Димовски, а во изведба на театарската аматерска група СУГС гимназија „Никола Карев“ – Скопје

9. Награда за НАЈДОБРА ГЛАВНА ЖЕНСКА УЛОГА и се доделува на Марија Ѓорѓиева за улогата на Бернарда во претставата „Домот на Бернарда Алба“ од Федерико Гарсија Лорка во режија на Кристина Атанасова-Арсова, а во изведба на аматерскиот театар при НУ Центар за култура „Бели мугри“ – Кочани

10. Награда за НАЈДОБРА ГЛАВНА МАШКА УЛОГА му се доделува на Јован Кмечко за ликот на Томаж во претставата „Кој кога?“ од Катарина Хитзингер во изведба на аматерско позориште „Јанко Чеман“ од Пивнице, Република Србија.

11. Награда за НАЈДОБРА РЕЖИЈА им се доделува на Ива Матиќ, Димитар Јакимовски и Ана Димитрова за претставата „Жив човек“ од Горан Стефановски во изведба на театарската група „Катастрофа“ при гимназијата „Јосип Броз Тито“ – Скопје.

12. Наградата ГРАН ПРИ за НАЈДОБРА ПРЕТСТАВА се доделува на претставата „Домот на Бернарда Алба“ од Ф.Г. Лорка во режија на Кристина Атанасова-Арсова, а во изведба на аматерскиот театар при НУ Центар за култура „Бели мугри“ од Кочани.

31 Мај 2014 год. Жири на ДАФ-Кочани 2014 Кочани 1. д-р Сашко Насев, претседател ____________________________ 2. Силвија Стојановска, член ____________________________ 3. Љупчо Ѓоргиевски, член ____________________________