На 05.март, на е-маил адреса на ДАФ на Македонија пристигна првата пријава за
влез во конкуренција за официјалната програма на 55-то издание на Фестивалот, кој годинава ќе започне на 28 мај и ќе трае до 2 јуни. Имено, Здружение за културно уметничка едукација „Од игра до претстава“ од Скопје го пријави драмскиот проект „Го силувавме ежот“ од Марјан Анѓеловски, а режијата е колективна.
Пријавувањето за учество во избори на претстави е во тек и ќе трае до почетокот на мај, до кога оние што аплицираат треба да достават и ЦД – записи од театарските проекти.
